Estratto Letterario
"Mo don' songie andò co 'l faelare? Pur ch'a no me perda, tegnìme ciamò, ch'a sapia tornare donde a' me son spartìo senza ch'a' me sia moestio. Ben, sì, sì, da davera: a' dighe dirve d'una comielia. Madesì, i ghe dise comielia, perché la è con è la miele int'i busi, che in la prima, a volerne tuore, el se cata qualche besevegio che ponze, mo de drio l'è po dolçe. Cossì an questa, in prima el parerà che no se posse fare che i sipie continti, mo in dreana a' sentirì ben sta comielia... Mo mi a' ve la porto, no in spala, mo in parole; e vu tolìla, no con le man, mo con le regie; e tolìla, ché mi adesso a' ve faghe argumento, che a' n'abiè paura a tuorla, perché a' la intenderì; ché la n'è fata co' la solea essere zà tempo fata, a' dighe de aseni, ché gi aseni è nemal massa desoniesti, che vegnando su sti solari, i porae ragiare e trar piti: l'è fata da vache, che è nemale pì da utilitè, e an de pì piasere, tanto che se cata de quigi che in vuol sempre in ca'. Seando mo de do lengue, a' no cherzo mo che 'l besogne ch'a' ve dighe altro; perché chi càncaro è quelù che no ghe piasesse pì tosto aér do lengue che na sola? Ché una sarae bona da tasere e l'altra da faelare. A' no ve starè gnan a dire che questa che è chialò sea Pava, ché a' la cognoscirè a sta giesia; e se ben a' no gh’aí mé vezú sto reondo, che i ghe dise un Culibeo, a' l’aón fato da nuovo, perché el ghe solea essere per tempo passò antigo. [...] Stè donca artinti fina ch'aòm rivò; e se la noela vi piaserà, a' ne 'l farì a saere, perché a' se remetòn in vu. Mo vi' apunto el me paron che inse fuora. Tasì e scoltè. "